Lehen Hezkuntza

6 eta 12 urte bitarteko garaia funtsezkoa da haurren hazkunde pertsonalerako eta sozialerako. Pixkanaka, ulertu, adierazi, pentsatu eta parte hartzeko gaitasuna garatzen dute, eta “jakiteko gogoa” pizten zaie; mundua deskubritzeko irrika hori gure bidelagun bihurtzen da.

Lehen Hezkuntzan, ikasleen garapen pertsonala, soziala eta akademikoa modu integralean lantzen dugu, beraien erritmoak eta behar emozionalak errespetatuz.

Helburu nagusiak hauek dira:

• Balio pertsonal eta sozialak lantzea: errespetua, elkarlana, ardura, ahalegina eta solidaritatea, bakearen eta justiziaren balioekin bat.

• Oinarrizko gaitasun akademikoak sendotzea (irakurmena, idazmena, hizkuntza-adierazpena, logika-matematika, gaitasun digitala…).

• Talde kooperatiboetan lan egitea, elkarrengatik ikasteko, elkarri laguntzeko eta komunikazio trebetasunak garatzeko.

• Metakognizioa sustatzea, ikasleek beren ikaskuntza prozesuaz jabe izateko, hausnartzeko eta hobetzeko tresnak izan ditzaten.

• Sormenaren eta pentsamendu kritikoaren garapena bultzatzea, erronka eta arazoak modu sortzailean konpontzeko.

• Emozioen lanketa sistematikoa egitea, autoezagutza eta ongizate emozionala indartzeko.
  
  

Eskolako egunerokoan, giro atsegin eta seguru bat sortzea dugu helburu: tutoreak erreferente dira, konfiantza eta seguntasuna ematen diete haurrei, eta banakako nahiz taldeko tutoretzat ohikoak dira.

Metodologia dinamiko eta parte-hartzaileak erabiltzen ditugu, ingurunearekin lotutako proiektuak eta ekintza solidarioak barneratuz. Gainera, adinari egokitutako eskolaz kanpoko jarduerak eskaintzen ditugu ikasleen garapena osatzeko.