ESKOLA JASANGARRIA ZIURTAGIRIA

Gesaltza Añanan ospatutako ekitaldian, Imanol Pradales Lehendakaria buru dela jaso dugu ziurtagiria.

Urteak dira La Salle Ikastetxeak 2030 Agenda programa garatzen duela eta jasangarritasunerantz emandako pausuak errekonozitzeko balio izan du aintzatespenak. Izan ere, bai gelan eta baita gelatik kanpo ere, ingurumenaren zaintzaren, kontsumo arduratsuaren edota aldaketa klimatikoaren inguruko ekintza ezberdinen asko garatu ditu ikastetxeak azken urteotan.

Ekitaldian, lehendakariaz  gain, Mikel Jauregi Industria, Trantsizio Energetiko eta Jasangarritasun sailburuak eta Begoña Pedrosa Hezkuntza sailburuak ere parte hartu zuten. La Salle ikastetxetik, zuzendaria, Agenda30 arduraduna eta DBH 4ko bi ekoordezkari bertaratu ziren.

 

Ziurtagiria lortu arren, ikastetxeak konpromiso irmoa du ikasleak sentsibilizatzen eta ahalduntzen jarraitzeko eta etorkizunerako mundu hobe bat izaten laguntzeko.