Liburukide Lehen eta Bigarren Hezkuntzan testuliburuak berriro erabiltzeko asmoz orain dela ikasturte batzuk abiarazi genuen programa da.
Programak bi helburu ditu:
• Alde batetik, ikasturtea hasten denean familiek urtero testuliburuengatik egin behar duzuen gastua murriztea, ahal den neurrian.
• Eta bestetik, ikasleei testuliburuak behar bezala erabiltzen eta zaintzen irakastea, liburu horiek berriro erabiltzeko moduan egon daitezen.
Programaren arduraduna Elkarteko Zuzendaritza Batzordea da, eta hark Zuzendaritzaren eta irakasleen klaustroaren babesa eta laguntza du. Irakasleek liburuak ongi zaintzen direla ziurtatzen dute, beste norbaitek berriro erabil ditzan.
Programa Lehen Hezkuntzako 3. mailatik aurrera erabiltzen da. Izan ere, ordura arte fitxak eta ariketak erabiltzen dira gehien bat, eta horiek ez dira egokiak berriro erabiltzeko, gehiago manipulatu behar baitira.
Programa abiarazteko protokoloa maiatzean hasten da. Zirkular baten bidez, ikasleei programaren filosofia gogorarazten edo azaltzen zaie (ikasle berriei), eta parte hartzera gonbidatzen zaie. Programari atxikitzea borondatezkoa da.
